Амьдралд амь дарна гэдэг

Амьдрал гэдэг үзүүр нь үл үзэгдэх утас
Амь дарна гэдэг үхлээ хүлээнгээ
Амралтын газар тухлан хэвтээд
Амны халбагаар жаргал зовлонг
Адил тэнцүү хүртэхийн нэр

Амьдрал гэдэг орой нь алтрах байшин
Амь дарна гэдэг итгэл алдран гуниж
Амьсгаадан гүйхдээ хөл алдан унаж
Аргаа барсан цөхрөлийн үгсээр дүүрэн
Авгайдаа захидал бичихийн нэр

Амьдрал гэдэг хаа сайгүй янаглах хос
Амь дарна гэдэг хямдхан буудлын бохир өрөөнд
Амаараа загас наадуулж, хөлөөрөө хөзөр тоглож
Аягатай дарсыг ус шиг залгиж
Амандаа сум зоохын нэр...

2012.03.07